பாவமில்லாத வாழ்க்கை
துணிகரமான பாவங்களுக்கு உமது அடியேனை விலக்கிக்காரும், அவைகள் என்னை ஆண்டுகொள்ள ஒட்டாதிரும் (சங் 19:(3)
பாவம் என்பதற்கு…
- பாவம் என்பதற்கு எபிரேய மொழியில் 2 வார்த்தைகளும், கிரேக்க மொழியில் 2 வார்த்தைகளும் வேதாகமத்தில் பயன்படுத்தப்பட் டுள்ளது. வேதாகமத்தில் மொத்தம் 763 முறை இடம்பெற்றுள்ளது. பாவத்தைக் குறித்து எபிரேயு மொழியில் CHATTAH, AVON என்ற
- வார்த்தைகள் எழுதப்பட்டுள்ளன.
- இதில் CHATTAH என்பதற்கு பொல்லாங்கை நடப்பிப்பது என்று அர்த்தமாகும் (சங் 51:4; 1தெச 5:18; ஆதி 19:7,9)
- AVON என்பதற்கு செம்மையானதை புரட்டுவது, முரட்டாட்டம் பண்ணுவது, கலகம் செய்வது என்று அர்த்தமாகும் (யோபு 33:27; சங் 78:8, எண் 14:9)
- பாவம் என்ற வார்த்தை கிரேக்க மொழியில் PARAPTOMA, HAMARTIA என்ற வார்த்தைகள் சொல்லப்பட்டுள்ளன.
- இதில் PARAPTOMA என்ற வார்த்தைக்கு அக்கிரமம் (சிந்தனையில் வரும் அசுத்தங்கள்) என்பது அர்த்தம் (எபே 2:5; ஏசா 55:7; சங் 103:3)
- HAMARTIA என்ற வார்த்தைக்கு இலக்கைத் தவற விடுவது என்று அர்த்தமாகும் (மத் 1:21; ரோம 6:23)
பாவத்தைக் குறித்து வேதத்தில்
- அந்தரங்கப்பாவம் (சங் 90:8)
- துணிகரமான பாவம் (சங் 19:13)
- கொடிய பாவம் (1யோவா 5:16)
பாவத்தின் தன்மைகள்
- தேவனை மனஸ்தாபப்பட வைக்கிறது (ஆதி 6:6)
- தேவனின் இருதயத்தை விசனப்படுத்தும் (ஆதி 6:5,6)
- குற்றமுள்ள மனசாட்சியை உண்டாக்கும் (சங் 51:3)
- தேவ உறவிலிருந்து பிரிக்கிறது (ஆதி 3:8; ரோம 5:17; சங் 1:5)
- அடிமைப்படுத்திவிடும் (யோவா 8:34)
- மனதைக் குருடாக்கி விடுகிறது (2கொரி 4:4)
- அவிசுவாசத்திற்குள்ளும் நடத்திவிடும் (எபே 2:12)
- தீட்டுப்படுத்தும் தன்மையுடையது (தீத் 1:15)
- ஆக்கினைக்குள்ளாக தீர்க்கும் (ரோம 5:18)
பாவம் நீங்க
- தான் பாவி என்று உணர்வடைய வேண்டும் (சங் 19:12)
- இயேசுவை விசுவாசிக்க வேண்டும் (மாற்கு 2:5-10)
- மனந்திரும்பி பாவ மன்னிப்பு பெற வேண்டும் (அப் 5:31)
- அறிக்கையிட்டு விட்டுவிட வேண்டும் (நீதி 28:13)
- ஞானஸ்நானம் பெற்றுக்கொள்ள வேண்டும் (அப் 22:16)
- பிறர் தப்பிதங்களை மன்னிக்க வேண்டும் (மத் 6:14,15)
- தன்னைக் காத்துக்கொள்ள வேண்டும் (1யோவா 5:18)
பாவத்தின் முதல் பிறப்பு மரணம்: அதன் கடைசி பிறப்பு நரகம். பாவங்களை அறிக்கையிடுதல் மனந்திரும்புதலின் முதல்படி.
